آثار العادة السرية | تعرف على أضرار الاستمناء ونتائج الإقلاع عنه

 هيحصل ايه لو بطلت عادة سرية ومشاهدة أفلام إباحية فعلا حياتك هتتغير 180 درجة هعرفك في الفيديو ده ايه المميزات اللي هتحصلك لما توقف هذا الذنب وهذه المعصية وتأثير ده على حياتك تابع الفيديو.

آثار العادة السرية

في البداية هتحس بحرمان وضيق وحزن لانك حرمت الجسم من كمية الدوبامين اللي كان بيحصل عليه من العادة السرية وهتبدأ في التفكير معظم الوقت في أفكار سيئة .

أضرار الاستمناء

بعد كام يوم هتحس بضعف الذاكرة وقلة التركيز وتحس بالشرود والسرحان معظم الوقت لان في حاجة بتشغل بالك وبتفكر فيها بس دي فترة مؤقتة هتنتهي ويرجع التركيز والانتباة أفضل من الاول.

بعدها بكام يوم من الاصرار على انك تبطلها وتجاهد نفسك هتكون حاسس بحزن واكتئاب غير مبرر ونفسك في حاجة تشغلك او تعوضك بسعادة و فرحة وكمان هتلاقي عندك رغبة شديدة في انك ترجع تمارس العادة السرية فلازم تقاوم وتستمر لان دي اصعب مرحلة خلال اول اسبوع.

نتائج البعد عن العادة السرية

 امتى الاعراض دي هتنتهي وايه النتيجة اللي هتحصلك لو كملت وبعدت عن هذه العادة السيئة.

من الحاجات اللي هتحسها بعد كده الشعور بالكسل والخمول وانخفاض مستوى الطاقة وهتلاقي من نفسك الحاح انك ترجع تاني لان الموضوع داخل فيه الشيطان وكمان النفس لان ده شئ محبب ليك فهتحس بحرب فعليا بين الرغبة وهدفك اللي عايز توصله. بس لازم تقاوم عشان النتائج اللي هتوصلها تستاهل الصبر والتحمل .

بعد شهر من المجاهدة ومقاومة نفسك هتبدأ تلاحظ انك بتتغير في كل حاجة ومن التغيير ده

هتبدا صحتك تتحسن نشاطك هيزيد نظرك هيتحسن تركيزك بقي اعلى قوتك البدنيه هتلاحظ انك بقيت اقوى كمان اهتمامتك بقيت افضل بتدور على انك تتعلم حاجة مفيدة تخرج تتبسط تقضي وقت طويل كنت مضيعه في المعصية دي اللي كانت مدمرة حياتك.

نتيجة ترك العادة السرية على الجانب الديني

الجانب الديني ايه التغيير اللي هيحصلك من ناحية دينك والتزامك مع ربنا اولا ربنا هيعوضك بسعادة وفرحة اكبر بكتير من فرحة العادة اللحظية المؤقتة اللي يعقبها ندم وحزن بعد ما تبطلها هتحس بفرحة وسعادة حقيقة فرحة القرب من الله وانك اخترت انك ترضيه.

 بعض الصالحين قال ان اعظم لذات الدنيا لذة قهر الهوى والتغلب على النفس وطبيعي ان ربنا يعوضك بالسعادة دي لان من ترك شئيا لله عوضه الله خيرا منا فتلاحظ التعويض والسعادة اللي مكنتش متخيلها في كل حياتك.

كمان لازم تعرف إن ذنوب الخلوات دي اكتر حاجة بتضيع أهدافك وطموحك فبمجرد أنك تبطلها هتبدأ أهدافك حتى الدنيوية تتحقق وربنا بيسهلك كل أمورك ربنا بيقول ومن يتق الله يجعل له من أمره يسرا فبعدك عن الذنب ده من أعظم التقوى أنت كده فعلا لو كملت هتكون من أولياء الله هتعيش فعلا واثق من نفسك حاسس برضا ربنا عليك اهدافك بتوصلها بسهولة أنت أفضل في كل حاجة بقيت شخص جديد غير الأول تماما فكمل واصبر لأن دا اختبار ربنا ليك لو نجحت فيه سياتيك الخير من كل مكان لا تنسى الاعجاب بالفيديو والاشتراك في القناة والسلام عليكم ورحمة الله وبركاته.


Next Post Previous Post
No Comment
Add Comment
comment url